کراچی : اسپارکو ءِ بس ءِ سر ءَ لشکرء بلوچستان ءِ اُرش ،یکے بیران بازین ٹپی

  کراچی : بلوچ سرمچارانی نامی ئیں گل لشکر ء بلوچستان ءَ مواچھ گوٹھ ءَ پاکستانی خلائی پٹ ءُ پولی ادارہ اسپارکو ءِ بس ءِ سر ءَ گوں دیر واگیں بم ءَ اُرش کرتگ چر اے اُرش ءَ یکے بیران ءُ بازیں ٹپیانی ھال اِنت ۔ بی بی سی ءَ شنگ بوتگیں ھالانی رِد ءَ پولیس ءَ بندات ءَ گْوشتگ کہ بم دگ ءِ نزیک ءَ اُوشتارینگ بوتگیں یک سائیکلے ءِ تہ ءَ مان کنگ بوتگ کہ گوں  پاکستان ءِ خلائی پٹ ءُ پولی ادارہ اسپارکو ءِ بس ءِ نزیک رسگ ءَتْراکینگ  بوتگ ۔ ھالانی رِد ءَ بس ءِ تہ ءَ بیست ءُ سئے مردم سوار بوتگ چَہ ٹپی بوتگیناں ھژدہ اسپتال ءَ دارگ ءُ دگہ دارو درمان ءَ پد ماں گس ءَ روان دیگ بوتگ اَنت ۔ پولیس ءِ گْوشگ اِنت کہ چَہ تراک ءَ نزیک ءِ پنچر گیریں دکان ءَ نندوکیں یک مردمے بیران بوتگ ۔ بلوچ سرمچارانی نامی ئیں گل لشکرء بلوچستان ءِ جارکش  لونگ خان بلوچ ءَ بی بی سی ءَ گوں گپ جنان ءَ اے اُرش ءِ ذمہ واری من اِتگ ۔