یمن : صنعاء پولیس اکیڈمی ءَ وتکش تْراک ءَ بیست کیڈٹس مرتگ

صنعاء : یمن ءِ بنجاھی شھر صنعا ءَ پولیس اکیڈمی ءِ سر ءَ بوتگیں وتکش تْراک ءَ بیست مردم مرتگ ءُ بازیں ٹپی بوتگ ۔ پولیس ءِ گْوشگ اِنت کہ وتکش ءَ وتا کیڈٹسانی میان ءَ ھما وھد ءَ تْرکینتگ کہ کیڈٹس چَہ کلاساں درکپگ ءَ بوتگ اَنت ۔ گوں القاعدہ ءَ بستگیں  شدت پسنداں بیھار داتگ کہ آ وتی دوارانی سر ءَ فوجی اُرشانی بیر ءَ ھمے رنگ ءَ گر اَنت ۔  بی بی سی ءِ رِد ءَ گْوستگیں مئی ءَ فوجی گُدانی تہ ءَ یک وتکشے ءَ وتا فوجی پریڈ ءِ ریہرسل ءِ میان ءَ گوں بم ءَ تْرکینتگ چَہ ایشی ءَ نود فوجی مرتگ ۔ زروان گْونگیں عربستان ءَ القاعدہ ءِ شاھڑ انصار الشریعہ ءَ اے اُرشانی ذ٘مہ واری ھم من اِتگ۔