کیچ، لشکر بلوچستان ءَ اُرشانی ذمہ واری منّ اِتگ

کیچ: بلوچ سلاہ بندیں گل لشکر بلوچستان ءِ جارکش میر لونگ خان ءَ ناشناسیں ھندی ءَ فون جنان ءَ گُشتگ کہ مئے سرمچاراں گوستگیں شپ ءَ کیچ ءِ ھند گومازی ءَ پاکی لشکر ایف۔سی ءِ سرا گوں وت کاریں سلاھاں اُرش کُتگ کہ چر ایشی ءَ چہ پاکی لشکر ءَ بازیں تاوان رستگ۔ جارکش ءَ گُشتگ کہ کیچ ءِ ھند جوسک ءَ مئے سرمچاراں پی۔ٹی۔وی اسٹیشن ءِ سرا ھم اُرش کُتگ کہ اسٹیشن ءَ تاوان رستگ۔ لشکر بلوچستان ءِ جارکش میر لونگ خان ءَ گُشتگ اے دوئیں اُرشانی ذمہ واری ءَ لشکر بلوچستان وتی سرا زیریت ءُ بلوچستان ءِ آجوئی ءَ تاں مئے اُرش جاری ماننت۔