چمالنگ : چَہ بی ایل اے ءِ اُرش ءَ زورگریں لشکر ءِ چل سپاھیگ مرتگ ءُ یک سرمچارے شھید بوتگ

دکی : بلوچ سرمچارانی نامی ئیں گل بلوچ لبریشن آرمی  ءِ جارکش ءَ گوں اھوالکاراں گپ جنان ءَ گوشتگ کہ چمالنگ ءَ بلوچ سرمچارانی گوں پاکستان ءِ زوراکیں لشکر ءَ جنگ بوتگ اے جنگ ءِ تہ ءَ بلوچ سرمچاراں چل زورگریں لشکرءِ سپاھیگ کشتگ ءُ درزنے ٹپی کرتگ ۔اے جنگ ءِ تہ ءَ بی ایل اے ءِ یک سرمچارے ھم شھید بوتگ ۔ بلوچ سرمچاران زورگریں لشکر ءِ سلاہ ھم پچ گیپتگ ءُ دستیگ کرتگ اَنت ۔ پاکستانی ھالرسانکاں ھم اے ھال شنگ کرتگ کہ چمالنگ ءَ پاکستانی لشکر ءِ سر ءَ بلوچ سرمچارانی اُرش ءَ پاکستانی لشکر ءِ  عامر نامیں میجرے  مرتگ ءُ چار سپاھیگ سک ٹپی بوتگ  ۔ ٹپیاںی تہ ءَ نعیم ، باسط ، مقصود ءُ شاھد ھوار اَنت ۔