شھید ملا جان بلوچ آجوئی ءِ جنگ ءِ سرمچارے بوتگ 'بی ایل ایف

شال : بلوچ سرمچارانی نامی ئیں گل بلوچ لبریشن فرنٹ ءِ جارکش دودا بلوچ ءَ گوشتگ کہ شھید مولوی عبدالخالق نامداریں دینی عالم ءُ بلوچ  آجوئی ءِ جنگ ءِ سرمچارے بوتگ ۔ بلوچ راج آجوئی ءِ جنگ ءِ تہ ءَ آئی ءِ کرتگیں کار ءُ کردگار مدام یات کنگ بنت ۔ پہ وتی آجوئی ءَ تلوسوک ءُ ھُدوناکیں مولوی عبدالخالق چَہ کراچی ءِ یک دینی مدرسھے ءَ دربرتگیں عالمے بوتگ کہ پہ راج  آجوئی ءَ بے مٹیں ندریگ ئِے داتگ ءُ بلوچ راج دپتر ءِ تہ ءَ نیمران بوتگ ۔ آئی ءَ اے ھبر گوں این این آئی ءَ گوشتگ اَنت ۔ دودا بلوچ ءَ گوشتگ کہ بلوچ لبریشن فرنٹ گوں بلوچ عالماں دزبندی کنت کہ آجوئی ءِ جنگ ءِ تہ ءَ مولوی عبدالخالق ءُ دگہ بلوچ آجوئی لوٹوکیں عالمانی رندگیری بہ کن اَنت ءُ آجوئی ءِ جنگ ءِ تہ ءَ بھربہ زور اَنت ۔ بی ایل ایف مولوی عبدالخالق ءِ راجی جوزگ ءُ مارشتاں سھر سلام پیش کنت کہ آئی ءَ داں سئے ماہ ءَ دژمنانی لٹ کُٹ سگ اِتگ اَنت ءُ راجی زرمبش ءَ مھکمی ھمراھدار بوتگ ۔آئی ءِ پجیگ ءَ بی ایل ایف آ دگہ شھیداں ھم سلام پیش کنت ءُ اے سوگند وارت کہ بلوچ عالم ، زانتکار ، ڈاکٹر ءُ بلوچ ورنا پہ ھما مزنیں مول ءَ وتی ھوناں ریچگ ءَ  اَنت بی ایل ایف پہ آ منزل ءِ رسگ ءَ ھچ رنگیں کمی  پشت نہ دنت ءُ بلوچ شھیدانی ھونانی  ھمک ترمپ ءِ بیر ءَ چَہ زوراک ءُ کافرانی کاسگ چٹاں گیپت ءُ بی ایل ایف داں راج آجوائی ءَ اے جنگ ءَ برجاہ دار اِیت ۔