پاکستان ءَ دگہ دو بلوچ ورنا کشتگ ءُ میت دور داتگ اَنت ، مولوی عبدالخالق ءُ زاھد حسین پہ ڈیھ ءَ شھید بوت اَنت

پسنی : پاکستان ءَ دگہ دو بلوچ ورنا کشتگ ءُ میت دور داتگ اَنت ، مولوی عبدالخالق ءُ زاھد حسین پہ ڈیھ ءَ شھید بوت اَنت۔ مارا رستگیں ھالانی رِد ءَ مروچی پسنی ءِ  نزیک ءَ  دگہ دو بلوچ ورناھانی میت دست کپتگ ۔ جنگ ءُ جپتگ ءُ دیم شرینتگیں میت مولوی عبدالخالق ء ملا حامد کہ پلیری ءِ نندوک بوتگ ءُ زاھد حسین ءِ نام ءَ کہ دشت زرین بگ ءِ نندوک بوتگ پجارگ بوتگ اَنت ۔ شھید مولوی عبدالخالق 14 ستمبر دوھزار یازدہ ءَ پاکستانی ایجنسی آئی ایس آئی ءُ ایم آئی ءِ کارندھاں چَہ ایف سی ءِ کمک ءَ چَہ گوادر ءُ پشوکان ءِ میان ءَ گوادر ءِ روکپتی نیمگ ءَ کساس سی ءُ پنچ کلومیٹر دور '' پلیری '' نامیں کسانیں کوچگے ءَ آوار جتگ ءُ گوں وت برتگ ،ءُ سرجمیں شست ءُ ھپت روچ وتی شکنجہ جاہ ءَ دارگ ءَ پد شھید کرتگ ءُ میت مروچی ماں پسنی ءِ نزیک ءَ دور داتگ ۔