پلیری : مسیت ءِ پیش امام پاکستانی ایجنسیاں آوار جتگ

پلیری : مسیت ءِ پیش امام پاکستانی ایجنسیاں آوار جتگ ۔ اد ءَ رستگیں ھالانی رد ءَ گوادر ءِ روکپتی نیمگ ءَ پشوکان ءُ گوادر ءِ میان ءَ  چَہ پلیری نامی کوچگے ءَ پلیری مسیت ءِ پیش امام بیست ءُ چار سالیگیں ورنا مولوی عبدالخالق ولد ملا حامد پاکستانی ایجنسیاں آوار جتگ ۔ چَہ مغرب ءِ نماز پد ءَ چَہ یک سنگتے ءِ فون ءَ آ فون کنگ ءُ دگ ءِ سر ءَ لوٹائینتگ اِش ۔ آئی ءِ رسگ ءَ گوں دو گاڑیاں سواریں پاکستانی ایجنسیانی کارندہ ھم رستگ اَنت سلاہ بندیں مردمانی گندگ ءَ پد آ عبدالرحیم بازار ءِ یک لوگے ءَ پتر تگ ۔ پاکستانی ایجنسی ءِ سلاہ بندیں کارندھاں گوں تپنگ ءِ زور ءَ چَہ ھما لوگ ءَ کشتگ ءُ گوں وت برتگ ۔