هرسال ٥٠ لاکھ مَردم "ڈینگی فیور" ءِ آماچ بنت، "ڈبلیو.ایچ.او"

سائنس(هال)عالمی تِرهجاهى كار گس "ڈبلیو.ایچ.او" ءِ گوشگ ءِ رِدا هرسال ٥٠ لاکھ  مَردم "ڈینگی فیور" ءِ آماچ بنت، ءُ دو سد ءُ ٥٠ لاکھ مَردماں هما نادُراهى ءَ گوں دوچار بيئگ ءِ گمان اِنت، کہ آ مكسكانى سوب ءَ شنگ بنت، ڈینگی تَپ ١٠٠ ءَ چے گیش مُلكاں جان دُراهى ءِ واستہ یک خطره يے، اے نادُراهى ءِ نشانى پَشّانک ءُ كُلّگاں گوں همگرنچیں نشانى اَنت، تيزيں تپ ءَ ابئيد چَمّ ءُ دست ءُ پادانى  بند ءُ بوگاں دو يا سئے هفتگ ءَ پیش دَرد ءُ دور ءِ مارشت بيت، ڈاکٹرانى گوشگ اِنت کہ ڈینگی تپ ءِ یک دروشمے کہ "بیک بون فیور" يے گوشنت ، پہ ساهدارءَمرگ ءِ سوب جوڈ بيت كنت، ايشى ءَ چے ساهدار ءِ بدن ءِ بازيں بهرے "باد" ءِ آماچ بيت ءُ ساهدار مِريت، اے ساهدار كُشيں نادراهى ءِ دارگ ءِ هاتِرا دنيگہ هچ "ویکسین" تيار كنگ نہ بوتگ، ناكہ اے نادراهى ءِ تيماردارى ءِ هاترا هاسيں دَرمان ءُ دارو اَست اَنت، بس ايشى ءِ گِر ءُ دار ءِ هاتِرا مكسک هلاس كنگی اَنت ءُ وت ءَ مكسكانى ورگ ءَ دور دارگی اِنت.