ناتپاکی ، ناوانندھی ءُ نشہ ءِ سبب چیر دستی اِنت ' حمید اللہ سردار زئی
Wednesday, September 14, 2011
چابھار :بلوچ راجدوست حمید اللہ سردار زئی ءَ یک نند ءُ گندے ءَ گوشتگ کہ پاکستان ، ایران ءُ اوگانستان ءَ نشتگیں بلوچ باید پہ وتی زبان ءُ ادب ءِ دیمروی ءَ یکجاھیں جھدے بہ کن اَنت ۔ بلوچی دود ءُ ربیدگ مئے ھون ءِ بھرے ھرکس کہ وت ءَ بلوچ لیک اِیت گوں بلوچی دود ءُ ربیدگ ءَ زند گوازینگ ءَ اِنت ۔ پہ آئی ءَ الم اِنت کہ دود ءُ ربید گ ءِ پھازگ ءَ جھد بہ کنت ۔ گچینی پہ چیر دستیں راجاں اے کار گیشتر المی اِنت ۔ سرکار ءِ وتی پالیسی بنت آ بِھ چیر دستیں راجانی دود پھازیءَ جھد نہ کنت اے جھد پہ راج ءِ جند ءِ ورناھاں الم اِنت ۔آئی ءَ یک جستے ءِ پسو ءَ گوشتگ کہ نشہ اجتماعی نادراھی یے چَہ راجانی ناوانندھی ءُ میان اُستمانی نا آرامی ءُ نادلسریاں ودی بوگ ءَ اِنت پد ءَ بلوچ کہ ھما ھانی چیر دست اَنت آ ھم لوٹگ ءَ نہ اَنت کہ بلوچ چر اے جنجال ءَ در بئے اِت ۔ بلوچ ءِ نا تپاکی ءِ سبب آئی ءِ چیر دستی اِنت گوستگیں دور ءَ کہ بلوچ یک تپاک ، سرپد ءُ دلیریں راجے زانگ بوتگ وتی سرڈگار ءِ واھند وت بوتگ ۔ بلوچ گوں وتی ھب ءُ واھگاں راج ءِ تپاکی ءُ یکجاھی ءَ جھد کنگ ءَ اَنت منی ھیال ءَ اے جھد اینچک توانا نہ اِنت پرچا کہ ھر وھد ءَ ما مردمانی صلاح کنگ ءَ رو اِیں مردمانی شرتریں چک وت ما وتی جنگ ءُ مڑاں کشگ بنت ما رند ءَ رو اِیں پشت کپتگیں مردماں چَہ جنگ ءُ مڑ ءَ گر ءُ دار کن اِیں۔ پاکستان ءِ راج ءِ ناوانندھی ءِ سبب ھم چیر دستی اِنت ۔آئی ءَ سیاسی چست ءُ ایرانی تہ ءَ بھر زورگ ءِ جست ءِ پسو ءَ گوشتگ کہ اے دمگ ءَ سیاست نہ بوگ ءَ اِنت من لوٹ آں کہ پہ راج ءَ یک تچک ءُ راستیں رنگے ءَ کار بہ کن آں کہ اے سیاسی بندبست ءِ تہ ءَ بوت نہ کنت پہ دورگ ءُ شتلی ءَ سیاست کنگ ءَ راج ءَ ھچ سوت نہ رس اِیت ۔
بنگپ:
روکپتی بلوچستان,
سرجمیں بلوچستان
Comments[ 0 ]
Post a Comment