کراچی : بلوچ ہیومین رائٹس آرگنائزیشن [ بی ایچ آر او] ءِ چیر دستی ءَ مولانا عبدالخالق ، زاھد دشتی ءُ فدابگٹی ءِ دیم شرینتگیں میتانی دزکپگ ، کسان سالیں مختار ءِ پجیگ ءَ ھزارھاں پرا یمنیں سیاسی جھدکارانی ، اھوالکارانی ، ڈاکٹر ءُ انسانی حقانی پانک جنیں کارکنانی پجیگ ءَ دگہ مردمانی آوار جنگ ءِ پیم ءَ دزگیری ءُ زندانانی تہ ءَ کُشگ، بلوچستان ءِ زورگری ءُ میان اُستمانی معاھدھانی پابندی نہ کنگ ءِ ایرجنگ ءَ کراچی پریس کلب ءِ دیم ءَ زھرشانی کرتگ ۔آھاں وتی زھرشانی ءِ تہ ءَ گوشتگ کہ میان اُستمانی گل انسانی حقانی لگتمالی ءِ سر ءَ توار چست بہ کن اَنت۔ بلوچستان ءَ نوشتہ کنگ ءُ گپ جنگ ءِ آجوئی چَہ مردماں پچ گرگ بوتگ  اَنت ۔