چَہ بلوچ پسگانی بھادری ءُ نترسی ءَ دژمن مانبر ائتگ ءُ بے سلاھاں نشانگ کنگ ءَ اِنت ' بی این ایف

شال : بلوچ نیشنل فرنٹ ءِ جارکش ءَ گوشتگ کہ چَہ گوستگیں روچاں چمالنگ ءُ آئی ءِ کش گوری دمگ پاکستانی لشکر ءَ انگیر ءَ کرتگ اَنت ءُ اُرش ئِے برجاہ داشتگ چَہ ایشی ءَ بے سلاھیں بلوچ ءُ آھانی مال دلوتاں تاوان رسگ ءَ اِنت ۔ جارکش ءَ گوشتگ کہ چَہ بلوچ پسگانی بھادری ءُ نترسی ءَ دژمن مانبراِتگ ءُ بے سلاھیں مردماں نشانگ کنگ ءَ اِنت بلے بلوچ پسگ ءَ گوں بیوکیں زوراکی ءُ جبراں ابید ھم دژمن سوبمند نہ بیت ۔ جبر ءُ زوراکیانی دپتر ءَ نوک کنوک مروچی گوں بلوچ پسگانی کشگ ءَ انچیں دپترے نویسگ ءَ اَنت کہ چَہ ایشی ءَ ناں ایوک زوراکیں دژمن ءِ تباھی بیت بلکیں بلوچ راج یک آجو ءُ وژھالیں راجے ءِ بستار ءَ  دنیا ءِ نقشہ ءَ گندگ بیت ۔ بلوچ  راج گوں ھورتی ءَ اے دپتر ساچیں راستیاں بہ زانت ءُ پہ آزادی ءَ چست بہ بیت ۔ جارکش ءَ گوشتگ کہ بی این ایف زاھد حسین ءُ مولانا عبدالخالق ءَ پہ آھانی شھادت ءَ سھرسلام پیش کنت ءُ ھمے سرپد بیت کہ ھمے رنگیں پسگ راجاں چَہ غلامی ءِ تھاریاں کشگ ءِ سبب بنت ۔