پاکی رسانکدر ءَ حامد کرزئی ءِ گپ ردیں رنگے داتگ۔ اوغان جارکش

پاکستان ءِ گما پلہ مرزی ءِ ردا پاکی رسانکدر ءَ حامد کرزئی ءِ گپ ردیں رنگے داتگ۔ اوغان جارکش ءَ گوشتگ کہ حامد کرزئی ءِ گوستگیں روچ ءَ پاکی امریکا جیڑہ ءِ درگت ءَ جتگیں گپ ءِ مول ءُ مراد اے نہ بیتگ کہ وھدیکہ پاکستان ءُ امریکا یا انڈیا  ءِ میان ءَ جنگے بہ بیت تا اوغان سرکار پاکستان ءِ پلہ مرزی ءَ کنت ، بلکیں اے گپئے مول ءُ مراد ھمے بیتگ کہ وھدی ناشرکارانی دارگ ءِ ھاترا پاکستان ءِ او امریکا ءِ میان ءَ جنگ بنگیج بہ بیت تا اوغان پناہ گیرانی درگت ءَ پاکستان ءِ کمک ءَ کنت ۔ھنچو کہ پاکستان ءَ اوغان ءِ کمک کُتگ ، بلے پاکستانی رسانکدر ءَ کرزئی ءِ اے گپ ردیں رنگے داتگ،،کرزئی ءِ اے ھالتران ئے شنگ بیئگ ءَ رند روکپتی سرکاراں باز زھرشانی درنگاز اِتگ۔۔جارکش ءَ اے گپ کنان ءَ گوشتگ کہ اگاں دھشت گردی ءِگر ءُ دار ءِ ھاترا پاکستان ءُ امریکا یا انڈیا ءِ میان ءَ جنگے بندات بہ بیت تا اوغان اے درگت ءَ پاکستان ءِ پناہ گیرانی دارگ ءَ ابئید دگہ ھچ وڑییں کمک کُت نہ کنت