احمر مستی خان ءُ لھتے وتگڑ ءُ بے پرکیں کواس درانڈیھ ءَ نشتگ ءُ پاکی چیریں دستانی گوشگ ءِ پدا کار کنگ ءَ اَنت۔ بی۔ایل۔اے

بی۔ایل۔اے ءِ جارکش واجہ میرک بلوچ ءَ ناشناسیں ھندی ءَ فون جنان ءَ گوشتگ کہ لھتے وتگڑ ءُ بے پرکیں کواس درانڈیھ ءَ نشتگ ءُ پاکی چیریں دستانی گوشگ ءِ پدا کار کنگ ءَ اَنت۔ اے کواس بلوچ نامئیں رھشون ءُ بلوچ جُنز ءِ درگت ءَ عالمی دُنیا ءَ بد گمانی پیدا کنگ ءِ جُھد ءَ کنگ ءَ انت۔ درانڈیھ ءِ ھمے ایجنٹاں یکے احمر مستی خان اِنت کہ امریکا ءَ نشتگ ۔ احمر مستی خان کہ آئی ءَ ڈنی دوستاں فنڈ ریزنگ ءِ نام ءِ سرا بی۔ ایل۔ اے گما نزیکی ءِ جُھد کُتگ۔ بلے مئے سنگتاں احمر مستی خان ءِ گوست ءِ پشدر ءَ آئی ءِ سرا نگاہ ایر کُتگ۔ او آئی ءِ سرا ھچ وڑیں سیادی نہ داشتگ۔ احمر مستی خان ءَ مئے سیاسی ھلاپ دارانی ھلاپ ءَ بے سر ءُ بد اخلاقیں زبان کارمرز کُتگ کہ تانکہ مئے سنگتانی گُما نزیکی بداریت۔۔بلے بے سوب بیتگ۔ نو راجی جُنز ءُ راجی جُنز ءَ گوں سیادی داروکیں رھشونانی بابت ءَ بد گمانی ودی کنگ ءِ ھاترا وتگڑ ءُ دروگیں زبان کارمرز کنگ اںت۔۔نیشنل پارٹی ءُ بی۔این۔ پی ءُ آدگہ پارٹیاں درستاں پیش زمینی راستی، بلوچ سرڈگار ءِ سرا قبضہ گیری ءِ راستی منگ کپیت، ایشی ءَ رند کس آھانی گما حکمت عملی ءُ رھبندانی سرا گپ ءُ تران کنگ ءَ انکار نہ کنت۔ زمینی راستیاں چہ چماں بند کنگ، وتگڑ ءُ بے پرکیں کوکار( پارلیمانی سیاست۔حق خودارادیت) ءِ وڑیں بلوچ روایتاں چہ ھالیگیں گالبندانی کمک ءَ تاں کدین ءَ راج ءَ ریپیناں۔۔۔۔۔۔۔۔۔۔