امریکہ : بالی گوازی پیش داروکیں بالیگ سیل چاروکانی سر ءَ کپتگ

رینو : امریکی ریاست نیودا ءَ بالی گوازی پیشداروکیں بالے گراب سیل چاروکانی سر ءَ کپتگ چَہ ایشی ءَ گوں بالیگ ءِ پائلٹ ءَ دنیگت سئے مردم ءِ مرگ ءِ ھال اِنت ءُ ھپتاد ءُ پنچ ٹپی بوتگ ءُ نیم ءَ گیش مردماں مزنیں ٹپ پر اِنت ۔ جاندراھی ءِ کاراں دز گٹیں ادارھے ءَ گوشتگ کہ اے سکیں مزنیں کزا ے ءُ بہ گند ئے اد ءَ بیوکیں گوستگیں  دھک ءِ مستریں کزا بہ بیت ۔ بالیگ ءِ نام گیپلنگ گھوسٹ ءُ پائلٹ ءِ نام جمی لیوارڈ بوتگ ۔ اے جھاز ءَ دومی جھانی جنگ ءِ تہ ءَ بھر ھم زرتگ ،اے جھاز پی اکاوں مستانگ ءِ نام ءَ ھم زانگ بنت ۔جھاز یک سیکنڈے ءِ تہ ءَ کپتگ ءُ تباہ بوتگ ۔جھاز ءِ پائلٹ ءِ وب سائٹ ءِ تہ ءَ نوشتگ کہ آئی ءَ وتی زند ءِ تہ ءَ یک سد ءُ بیست بالی گوازیانی تہ ءَ بھر زرتگ ءُ بے کساس فلمانی تہ ءَ اَسٹنٹ پائلٹ ءِ بستار ءَ کار کرتگ ۔ گوستگیں آدینگ ءَ ھشتاد سالی ئیں جمی ءِ بالیگ بال دیگ گڈی روچ بوتگ ، آئی ءِ بالیگ گوازی ءِ چارگ ءَ آئی ءِ کھول ءِ ھم بازیں مردم مچی ءِ تہ ءَ ھوار بوتگ ۔