لندن :کلسٹر بم ءِ نمائش ' پاکستانی سلاھانی کمپنی چَہ میان اُستمانی نمائش ءَ ڈن

لندن : جنگی ساماں جوڑ کنوکیں دو پاکستانی کمپنی لندن ءَ برجمیں میان اُستمانی جنگی سلاھانی نمائش ءِ تہ ءَ بندش جتگیں سلاھانی نمائش کنگ ءِ سبب ءَ چَہ نمائش ءَ  کشگ بوتگ اَنت ۔پاکستانی آرڈینش فیکٹریز ءُ ڈیفنس ایکسپورٹ پروموشن آرگنائزیشن ءِ     اسٹا ل ، ڈیفنس اینڈ سیکورٹی ایکوئپمنٹ انٹرنیشنل نامیں نمائش ءِ چارگزاراں پشنبے ءِ روچ ءَ بند کرتگ اَ نت ۔ امریکہ ءِ ھال رسانیں ادارہ ایسوسی ایٹڈ پریس ءِ رد ءَ یک جارتاکے ءِ کہ آئی نشاندھی برٹش پارلیمنٹ ءِ یک باسکے ءَ کرتگ گندگ ءَ پد پاکستانی اسٹال بند کنگ بوتگ اَنت ۔گرین پارٹی ءِ پارلیمنٹ ءِ باسک کیرولائن لوکس ءَ گوشتگ کہ آ یک سد ءُ پنجاہ پنچ ملی میٹر کلسٹر بم ءِ جارءِ گندگ ءَ پد اجکہ بوتگ ۔