شام: هاكم بشارالاسد ءِ هلاپ ءَ زهر شانى بَرجاه اِنت

شام (هال) شامی هاكم بشارالاسد ءِ هلاپ ءَ زهر شانى كنوكانى سرا فوج ءَ تيرگواری کتگ، چر ايشى ءَ چہ بيست مَردم بيران بيتگ. شام ءَ فوج ءِ زوراكى ءُ تيرگوارى ءَ ابيئد هم شام ءِ بازيں هَند ءُ دمگاں وهد ءِ هاكم ءِ هلاپءَ اُلسى زهرشانى تَم گرگ ءِ نام ءَ نہ زانت، استان اندليب ءَ هوار مُلک ءِ بازيں دمگاں زوراكيں هاكم ءِ هلاپ ءَ زهر شانى اَست ءُ برجاه اِنت. مَرچى شام ءِ صوبہ" درعا " ءَ شامى فوج  ياگى ايں فوجى آنى شوهازگ ءِ هاتر ءَ يک كسانيں بازار"بصرہ الحریر"  ءَ مانرِتكگ ءُ شش دهكان كارى جتگ ءُ کُشتگ اَنت. پدا تانكہ شپ ءِ تهارى ءَ بشار الاسد ءِ مَنّوگر ءُ ياگی ایں فوجيانى ميان ءَ تيرگواری جارى بيتگ، هَندى مَردمانى گوشگ ءِ رِدا ٹینک آنى بمب گواری ءَ چہ مسيتےءَ هم تاوان رَستگ، ياگی ایں فوجيانى كَچ چار سد ءَ گیشيں، سركارى فوج ءِ رِدا همے هلکءَ ٹپّ اِتگاں.