خضدار ' پہ ورکر لیبل اسکول ءَ ھَندی مردم ڈلگچار کنگ بوتگ اَنت

خضدار [ ھالچار ] پہ ورکر لیبل اسکول خضدار ءَ چَہ پاکستان چیر دستیں اُستان وزیر ءِ نیمگ ءَ ھندی مردم ڈلگچار کنگ ءُ موسی خیل ءِ مردم زورگ بوتگ  اَنت ۔ چَہ زورگ ءَ پد آھاں شال ءَ اٹیچمنٹ کنگ گوں خضدار ءِ اُمیتواراں گیشی اِنت بلکیں اے چَہ راھبنداں ھم دریں کارے اگاں اے پوسٹانی سر ءَ ڈنی مردمانی آڈر کینسل کنگ نہ بوت اَنت گڑا ما ریلی کش ءُ ورکز لیبر اسکولانی تالہ بندی کن اِیں ءُ شد ھرجاپ ھم کن اِیں ۔اے ھبر خضدار ھنکین ءِ پہ نوکری ءَ جست پرس کنگ بوتگیں امیتوار غازی خان جتک ، عبدالسلام شاھوانی ، وحید احمد ، عبدالقیوم ، ممتاز احمد ، محمد نواز لانگو ءُ دگراں ادءَ خضدار پریس کلب ءَ گوں اھوالکاراں تران کنان ءَ گوشتگ اَنت۔