شال ' بی ایل ایف ءَ چاریگ ٹپی ءُ روڈ بندوکیں کمپنی بیھار داتگ اَنت

شال [ ھالچار ] بلوچستان لبریشن فرنٹ ءِ ربال دودا بلوچ ءَ گوشتگ کہ جاھو ءَ روڈ جوڑ کنوکیں کمپنی ءِ سر ءَ مئے سرمچاراں اُرش کرتگ ءُ آئی ءِ مشینری تاوان داتگ اَنت ما پیسر ءَ ھم بیھار داتگ کہ کارکنوکیں کمپنی بلوچستان ءَ سرمایہ کاری مہ کن اَنت ءُ ماگڈی رند ءَ آھاں بیھار دئے اِیں کہ آ بلوچستان ءَ  کار مہ کن اَنت ۔ ایشی ءَ ابید مند بلو ءَ مئے سرمچاراں دو سرکاری چاریگ تیرگواری کرتگ ءُ ٹَپی کرتگ اے درسیں کارکرتانی ذمہ واری بی ایل ایف من اِیت۔ آدینگ [ جمعہ ] ءِ شپ ءَ آئی ءَ گوں اھوالکاراں گوشتگ کہ مکران ءَ دشت ءُ مند ءِ دمگاں ٹرانسپورٹ یونین ءِ نام ءَ نیزگاریں بلوچ بھتہ گرگ بوگ ءَ اَنت اے دز ءُ پلمالی کنوکانی ٹک اِنت بی ایل ایف اے ٹکاں نشانگ کنت چَہ ایشاں ابید لھتیں دشت ، مکران ، مند ءُ تربت ءَ چَہ بی ایل ایف ءِ نام ءَ  منیشیات بھاکنوکاں ، ٹرانسپورٹر ءُ دگہ مردماں بلیک میل کنگ ءَ اِنت بی ایل ایف گیشین ایت کہ آ اے بھتہ وارانی نام ءَ زوت راج ءِ دیم ءَ پدر کنت ءُ باپاری ءُ دگہ بلوچاں گوش اِیت کہ بی ایل ایف ءِ چَہ اَے ٹکاں سیادی نہ اِنت پمیشکا منشیات بھاکنوکاں بیھار دنت کہ آ یلو کنگ نہ بنت ۔