امریکہ ءُ یورپی معشیت جھل کپان اَنت

واشنگٹن : آئی ایم ایف ءَ امریکہ ءُ یورپی ملکانی معاشی باندات ءِ سر ءَ بے تاھیری درشانتگ  ءُ گوشتگ کہ  یورپ سرکاری وامانی گیشی ءِ جیڑہ ءَ گیشینت نہ کنت ۔ آئی ءَ گوشتگ کہ انوگیں ءُ دیم ءِ سال ءِ میان ءَ جھانی معشیت چار در سد ءِ ھساب ءَ دیمروی کنت ۔ اے گیشی ءِ سبب چین ، ھندوستان ءُ برازیل ءِ معشیتانی پراھوان بوگ اِنت ۔ بلےجھانی ادارہ ءَ امریکہ ءُ یور کارمرد کنوکیں ھپدہ یورپی ملکانی معشیت ءِ یک دلپروش کنوکیں ھکسے پیش کرتگ ۔آئی ءَ پیشن گوئی کرتگ کہ اے سالی امریکہ ءِ معشیت کہ جھان ءِ تہ ءَ مزنیں زوراوریں معشیتے زانگ بیت ایوک نیم درسد دیمروی کنت ءُ دیم ءِ سال ءَ اے گیشی ایوک داں یک اعشاریہ ھشت ءَ وت ءَ دار اِیت ۔ چَہ ایشی ءَ پیش دو ھزار دوزدہ ءَ آئی ایم ایف ءَ گوشتگ اَت کہ امریکہ ءِ معشیت دو ءۃ نیم درسد ءِ تیزی ءَ دیمروی کنت ۔آئی ایم ایف ءَ پہ یورو زون ءِ معشیت ءَ ھم وتی پیش گوشیءِ کیاس جھل آئورتگ چَہ اے ایشی ءَ ترس پیداک بوتگ کہ یونا ن وتی میان اُستمانی واماں دات نہ کنت کہ چَہ ایشی ءَ سرجمیں یورپی معشیت اسرمند بیت ۔ میان اُستمانی مالیاتی ادارھے گوشگ اِنت کہ اے سال ءَ یورپی معشیت ایوک یک اعشاریہ شش درسد گیش بیت ءُ دیم ءِ سال اے یک اعشاریہ یک درسد ءِ ھساب ءَ کپ ایت ۔ جون ءَ ائی ایم ایف ءَ پہ یورپی معشیت ءِ ردوم ءَ چَہ اے گپاں جوانتریں پیش گوشی کرتگ اَت ۔