شال ' انٹلی جنس نیٹ ورک گیشتر چُست ءُ پراسر کنگ بنت

شال [ جھگیر]پاکستان ءِ چیردستیں اُستان وزیر محمد اسلم رئِیسانی ءِ کماشی ءَ پنچشنبے ءِ روچ ءَ اد ءَ یک مزنیں دیوانے بوتگ ۔ دیوان ءِ تہ ءَ وتی چیردستیں بلوچستان گچینی اُستان بنجاہ شال ءَ ایمنی ءِ جاورانی سر ءَ چار بچار کنگ بوتگ ءُ شھر ءِ تہ ءَ سیکورٹی ءِ بندبستانی گھتر کنگ ءَ لھتیں ڈلگیں شوربندگ بوتگ لھتیں زوتیں گامگیج ھم منگ بوتگ ۔ھمے رِد ءَ گوں سول سوسائٹی ءَ دزبندی کنگ بوتگ کہ آپہ  سیکورٹی بندبستاں گوں سیکورٹی ادارھاں ھمکاری بہ کن اَنت ۔ چیف سیکریٹری بلوچستان ، آئی جی پولیس ، آئی جی ایف سی ، سیکریٹری داخلہ ، کمشنر کوئٹہ ڈویژن ، ڈپٹی کمشنرز کوئٹہ ، سی سی پی او کوئٹہ ءُ ایجنسیانی واکداراں دیوان ءَ بھر زرتگ ۔ پولیس آدگہ راھبندانی ھیالداری کنوکیں [ قانون نافز کنوک] ادارھاں ھاکم گوستگیں روچ ءَ شال ءَ بوتگیں بم تراک ءَ پد داں انوگ ءَ بوتگیں پول ءِ درگت ھال داتگ ۔ دیوان ءَ راھبندانی ھیالداری کنوکاں گوشتگ کہ شال ءَ پترگ ءِ شش جاہ ءَ پہ چاریگے ءَ اسیکنر ءُ سیکورٹی کمیرہ جنگ بیت ءُ شھر ءِ تہ ءَ  لھتیں ڈلگتریں جاہ ءُ باپاری بنجاھاں سیکورٹی ءِ بندوبست شرتر کنگ بنت ھر یک شکی ئیں مردم ، گاڑی ، موٹر سائیکل ءُ شکی ئیں ءُ ھمود ءَ کہ شکی ئیں سرگرمی کنگ بیت آ چیک کنگ بنت ۔ دیوان ءَ شور کرتگ کہ ھما ڈنی مردم کہ بے سند ءَ اَتکگ اَنت چَہ سیمسراں ڈن کنگ بنت ءُ انٹلی جنس نیٹ ورک گیشتر چُست ءُ پر اسر کنگ بنت ۔