اسلام آباد ' بیگواہ بوتگیں بلوچ شش ھزار بوتگ اَنت چل ءُ دو پشت کپتگ ' رحمن ملک

اسلام آباد [ جھگیر ] پاکستان ءِ تھی کارانی وزیر رحمن ملک ءَ یک رندے پد ءَ وتی سیکورٹی فورسزانی آوار جتگیں بلوچانی سر ءَ ملنڈ کنان ءَ گوشتگ کہ بیگواہ بوتگیں بلوچ پیسر ءَ شش ھزار بوتگ اَنت انوں تیوک ءَ چل ءُ چار پشت کپتگ ءُ مالوم بوتگ کہ چَہ ایشاں لھتیں درملک ءَ کار کنگ ءَ اِنت ءُ آ ھم زوت شوھاز کنگ بنت ۔آئی ءَ شال ءَ بوتگیں وتکش تراک ایرجتگ ءُ گوشتگ کہ وتکش اُرش کنوک اوگانی پناھگیرے بوتگ ءُ یونس الموریطانی ءِ دزگیری ءِ بیر بوت کنت  ۔ چَہ کراچی ءَ چل ءُ دو ٹارگٹ کلرز گپیپتگ آھاں چارسد کوش منگ اِتگ ۔آئی ءَ گوشتگ کہ اسامہ بن لادن ءِ ایبٹ آباد ءَ کشگ ءَ پد القاعدہ ءَ پاکستان دژمن نمبر ءِ نام داتگ  ۔