پہ نامداری ءَ سئے کار: ناکن مزن کنگ ، موداں سُند کنگ ءُ زبان رودینگ

لندن : ناکن مزن کنگ ءُ بژاں دارگ ءُ زبان رودینگ ترا نامدار کرت کن اَنت ۔ اے ھبر ءَ ما چَہ وت  ءَ نہ کنگ ءَ اِیں بلکیں اے ھال مارا رستگ مان گنیز بک دوھزار دوازدہ ءَ وت ءَ ھوار کنوکانی لڑ ءِ گندگ ءَ پد اے لڑ ءِ تہ ءَ چل ءُ پنچ سالی ئیں جنین کریسٹائن کہ لاس ویگاس ءِ نندوک اِنت ھوار اِنت کہ ناکن ئِے سک سک مزن اَنت ۔ آَئی ءِ چپی دست ءِ ناکن دہ فٹ ءُ دو انچ ءُ راستیں دست ءِ نوفٹ ءُ ھپت انچ اَنت ۔ یک نودربریں جنک ٹیپر کی کہ زبان ئِے چار انچ دراج اِنت ءُ ڈگاس کے کہ مود وتی ٹٹریں مود ئِے چَہ درساں مستر کرتگ اَنت ۔ بلے گنیز ورلڈ ریکارڈ بک ءِ ایڈیٹر ان چیف کریگ لینڈی  ءَ دگہ گپ ئِے جتگ کہ گنیز بک ءِ ھراب ءُ بے سریں چیز ھوار کنگ بوتگ اَنت ۔ گڑ ا واجہ کریک تو پرچا چوشیں کریکیں کاراں مردماں سکین دئے ؟