پاھو دیگ ءَ چین چَہ ایران ءَ ھم گامے دیم ءَ اِنت

بیجنگ : چین ءَ چَہ سرجمیں جھان ءَ گیشتر مردم پاھو ءَ درنجگ بیت ، دومی نمبر ایران اِنت۔ ھندوستان ءِ یک ھال شنگ کنوکیں ادارھے ءَ ایمنسٹی انٹرنیشنل ءِ سالینہ رپورٹ ءِ رد ءَ گوشتگ کہ چین چَہ دوھزار ھپت  ءَ پاھو دیگ ءِ درگت ءَ دنیا ءَ چَہ درساں اول نمبر اِنت ۔ رپورٹ ءِ تہ ءَ گوشگ بوتگ کہ چین ءَ دوھزار ھپت ءَ چارسد ءُ ھپتاد مردم ، دوھزار ھشت ءَ یک ھزار ھپت سد ءُ ھژدہ مردم پاھو ءَ درنجگ بوتگ ۔ دوھزار ءُ دوھزار دہ ءَ اے کساس ھزارھانی تہ ءَ اِنت پرچاکہ چینی سرکار ءَ اے شمار چیر داتگ اَنت ۔دوھزار دہ ءَ ھم گیشتر پاھو دیگ ءِ ریکارڈ چین  ءِ گور ءَ بوتگ ۔ اے ھم گوشگ بوتگ کہ گیشتر مرگ ڈنڈ منیشیات بھاکنوکیں میار باراں دیگ  بیت  ۔ دھزار ھشت داں دوھزار نو ءَ چَہ سئے سد ءَ برز مردم پاھو ءَ درنجگ ءِ سبب ءَ ایران  سرجمیں جھان ءَ دو نمبر اِنت ۔