ھندوستان ءَ جھلم ءِ سیاہ آپ ءَ ھور ءِ آپ راہ داتگ اَنت

مظفر آباد :پاکستانی ھال رسانیں ادارھے ءَ  ھال کرتگ کہ گوستگیں روچ ءَ چَہ ھندوستان ءِ نیمگ ءَ آپ جھلم ءِ سیاہ آپ ءَ راہ دیگ بوتگ بلے چَہ اے آپ ءَ ھچ رنگیں تاوان نہ بوتگ ۔ھال رسانک ءِ گوشگ اِنت کہ گوستگیں  یک شنبے ءِ نیمروچ ءَ جھلم ءَ تچوکیں آپ ءِ رَشت دارگ بوتگ بلے چندیں کلاک ءَ پد ، یلہ دیگ بوتگ چَہ ایشی ءَ جھلم ءَ  مَل ءِ جاور پیداک بوتگ ۔ پمیشکا پاکستانی کشمیر ءِ چار گزاراں کش گور ءِ میتگانی مردم پاد کنائینتگ اَنت ۔