ایران شتلی ءُ نہ منگ ءِ کاراں کنگ ءَ اِنت ' امریکہ

واشنگٹن : امریکہ ءِ توانائی ءِ وزیر اسٹیون چو ءَ  ایران ءِ جوھری سرگرمیانی سر ءَ  ایراد گران ءَ گوشتگ کہ  اسلامی ملک ، مروچی باند ا، شتلی ءُ نہ منگ ءِ کاراں کنگ ءَ اِنت ۔ ایران ءَ پہ یورنیم پیدا کنگ ءَ وتی لھتیں سرگرمی زمین چیر ءِ نیوانجاھاں برتگ اَنت ۔ روکپتی ملکاں ترس اِنت کہ اے گامگیج جوھری سلاہ جوڑ کنگ ءِ اولی گام ءِ بستار دار اِیت ۔بلے ایران ءِ کمک کماش فریدون عباسی دیوانی ءَ روکپتی ملکانی سر ءَ ایران ءِ جوھری پروگرام دژمنی  ءِ بھتام جتگ ءُ گوشتگ کہ اے گامگیج پروگرام ءَ  چَہ دری اُرش ءَ پھریزگ ءَ چست کنگ بوتگ ۔اے ھپتگ ءِ تہ ءَ اے دومی رند اِنت کہ اوباما بندبست ءَ ایران ءِ جوھری پروگرام ءُ جوھری کارانی سر ءَ ایراد گیپتگ ۔