شال ' بلوچ ایرجنیں ڈھنڈوراں بے اسر بہ کن اَنت ' خان کلات

شال [ ھالچار ] خان کلات سلیمان خان ءَ گوں بلوچ راج ءَ دزبندی کرتگ کہ یکجاھیءُ تپاکی ءَ گوں بلوچ راجی جھد ءِ ایرجنگ ءَ بیوکیں ڈھنڈورءِ اسرمندی ءَ کم بہ کن  اَنت ۔ خان کلات ءَ گوں اھوالکاراں گپ جتگ کہ بلوچستان یک پر ارزشیں دمگ اِنت ۔ بلو چ راج ءِایرموشی ءَ ھر وھد ءَ آپریشن کنگ ءُ بلوچ راج چکچین کنگ بوتگ ۔ مروچی میان اُستمانی تک ءَ گوں بلوچ راج ءَ بیوکیں زیادتی ءُ مزواریانی سر ءَ بیوکیں توار ءَ ریاستی واکدار بے تاھیر کرتگ اَنت ۔ پمیشکا ریاستی واکدارءَ پہ بلوچ راج ءِ پلہ مرزی ءَ چست بیوکیں توارانی بے اسر کنگ ءَ وھد وھد ءِ سر ءَ ڈھنڈور کن اَنت ۔ واکدار میانی اُستمانی واکدارانی دلگوش ءَ چَہ بلوچستان ءِ سر ءَ دُور کنگ ءِ جھد کنگ ءَ اَنت ۔ دپتر ی گپاں ترینگ ءُ پیش کنگ ءَ اَنت داں نیمگے بلوچ راج ءَ چَہ جھد ءَ بد د ل بہ کن اَنت ءُ گورے میانی اُستمانی تک ءِ مردماں گمراہ بہ کن اَنت بلے راستی چیر دیگ نہ بنت آئی ءِ گوشگ اَت کہ بلوچ راج ھچ وڑیں ڈھنڈور ءَ گوش مہ دار اِیت بلکیں گوں تپاکی ءُ مچی ءَ وتی جھد ءَ برجاہ بہ کنت ۔ ھمے رنگ ءَ کہ ریاستی واکدار روچ ءَ شپ ءُ شپ ءَ روچ کنگ ءُ پیش دارگ لوٹ اَنت اے پیم نہ بیت بلکیں سوب راستی ءِ بیت ۔