بلوچ چَہ زھر شانی ءِ حق ءَ ھم زبھر

شال [ ھالچار ] پاکستان چیر دستیں بلوچستان ءِ اُستان سر کار ءَ بلوچستان ءِ مھلوک چَہ سیاسی حقاں ھم زبھر کنگ ءِ جار جتگ اے درگت ءَ چیردستیں بلوچستان سرکار ءِ جارکش  ءَ اد ءَ وتی بیان ءِ تہ ءَ گوشتگ کہ ھرجاپ ءُ دربندی ءَ گوں مھلوک ءِ جنجال ءُ جیڑھانی گیش کنگ ءِ کس ءَ اجازت نہ  دئے اِیں  ءُ بے مول ءُ مراد ءَ ھڑتال کنوک ءَ گوں ترندی ءَ پیش کپ اِیں ۔بیان ءِ تہ ءَ گوشگ بوتگ کہ کسان کسانیں ھبرانی سر ءَ  ھڑتال کنگ ھرکس ءَ وتی کار جوڑ کرتگ چَہ ایشی ءَ نہ ایوک ایمنی ءِ جاور ھراب بوگ ءَ اَنت بلکیں  مھلوک ھم جنجال ءَ دوچار اِنت پمیشکا نوں پرگ بندی  ءُ دربندی کنگ مہ بیت ۔ زانگ بہ بیت کہ بلوچستان ءَ پاکستانی زور گیریں سرکار ءِ زیادتی ءُ بلوچ سیاسی ورناھاںی آوار جنگ ءُ شھید کنگ ءِ ایرجنگ ءَ ھرجاپ ءُ دربندی مدام بنت  ۔ چَہ چیر دستیں اُستان سرکار ءِ جارکش ءِ گپاں ھمے درا اِنت کہ آ بلوچ ورناھانی آوار جنگ  ءُ مزنیں کساسے ءَ شھید کنگ ءُ دور دیگ ءَ کسانیں گپے زانت پمیشکا بیھار دیگ بوتگ کہ بلوچاں نوں ھرشانی ءِ ھم حق نیست ۔