جدہ : قحطانی ءَ سلاہ دور دیگ ءِ پیشکش کرتگ

جدہ : شدت پسند مجیب بن محمد قحطانی ءَ سلاہ دور دیگ ءِ پیشکش کرتگ ۔ قحطانی ھما چل ءُ ھپتیں مردمانی لڑ ءَ ھوار اِنت کہ سعودی تھی کارانی وزارت شوھاز کنگ ءَ اِنت اِش ۔ جدہ ءَ سعودی تھی کارانی وزارت ءِ جارکش میجر جنرل منصور الترکی ءَ گوشتگ کہ مجیب بن محمد القحطانی ءَ چَہ درملک ءَ وتی کھول ءَ گپ جتگ ءُ اے واھگ پدر کرتگ کہ آ وت ءَ سعودی سرکار ءِ دست ءَ دیگ لوٹ اِیت ءُ پہ آئی ءَ آرگ ءَ سیکورٹی ایجنسی المی ئیں بندبست کنگ ءَ اَنت ۔ منصور الترکی ءَ گوشتگ کہ گوں قحطانی ءَ  ھما پیم کنگ بیت کہ دگہ سلاہ دور دیوکیں شدت پسند ءَ گوں کنگ بوتگ ۔