دنیا ءِ گیشتر مردم جتائیں فلسطین ءِ منوگر اَنت

لندن : دنیا ءِ گیشتر مردم پہ فسلطینی مھلوک ءَ جتاَئیں فلسطین ریاست ءِ منوگر اَنت ءُ پہ ایشی ءَ تپاکیں راجانی گل ءِ تہ ءَ قرارداد پیش کنگ ءِ پلہ مرز ی اِش کرتگ ۔ چَہ برٹش نشریاتی ادارہ گلوب اسکین ءِ کمک ءَ بوتگیں اے سروے ءِ تہ ءَ چَہ نوزدہ ملک ءِ بیست ھزار چارسد چل شھرونداں بھرزرتگ ۔ چَہ ایشاں نو ملک ءِ مھلوک ءِ مستریں بھرے ءَ آزاد فلسطین  ءِ لوٹ ءَ گوں تپاک کرتگ ۔ قرار داد ءِ حق ءَ گپ جنوکیں درساں گیشتر مردم مصر ئیگ اَنت کہ آ اُود ءَ نود درسد مردماں تپاک کرتگ ، وھدے کہ ترکی ءِ شست ، پاکستان ءِ پنجاہ ءُ نو ، انڈونیشیا ءِ پنجاہ ءُ یک مھلوک ءَ قرار داد ءَگوں تپاک داشتگ ۔سروے ءِ تہ ءَ بھرزوروکیں چل ءُ نو درسد مردماں گوں قرارداد ءَ ھم پتی درشانتگ ، وھدے کہ بیست ءُ یک درسد ءَ گوشتگ کہ آھانی سرکار ءَ اے قرارداد  ءِ چپ ءَ اُوشتاتگ لوٹ اِیت ءُ سی درسد ءَ گوشتگ کہ اے جاورانی سر ءَ اِنت کہ آھانی سر کار ءَ وتی ووٹ ءِ حق کارمرد کنگ نہ لوٹ اِیت ۔