ھندوستانی نرس چَہ کوردستان ءِ کمک ءَ آجو

چھل ءُ شش ھندوستانی نرس کہ تکریت ءِ ھسپتال ءَ دزگیر اِت اَنت ماں کوردستان ءَ ھندوستانی واکمنداں دزگیپت اَنت.

شور اِنت کہ شمبے ءَ دیم پہ ھندوستان ءَ رو اَنت.

نرس جون ءِ ماہ ءَ چَہ داعش ءِ نیمگ ءَ تکریت ءِ دستیگ کنگ ءَ پد وتی کارجاھاں بندیگ بوتگ اِت اَنت ءُ نادراھجاہ ءِ سر ءَ داعش ءِ واکمندی ءِ سبب ءَ ڈن ءَ در کپت اِش نہ کُرتگ. ھندوستانی سرکار ءُ کوردانی جھد ءِ سبب ءَ نرس چَہ داعش ءِ دستیگیں دمگاں کشگ ءُ ھندوستانی واکمندانی گْور ءَ رسینگ بوتگ اَنت.

ھندوستانی نرسانی چَہ کوردستان ءِ کمک ءَ آجوئی انیگیں جاوراں کوردانی داعش ءِ دیم ءَ جتا ءُ مھکمیں بستار ءَ ھستی ءِ نشون اِنت.