اوگانستان سرکار گوریچانی وزیرستان ءِ مردماں اُوگانستان ءَ لڈگ ءِ سکین دیگ ءَ اِنت' گورنرپختونخوا

پاکستانی اُستان خیبر پختونخوا ءِ گورنر سردار مھتاب احمد خان ءَ چَہ اوگان سرکار ءِ نیمگ ءَ گوریچانی وزیرستان ءِ جنگ جتیں مردمانی وتی ملک ءَ لڈینگ ءِ جھد پاشک کُرتگ ۔

 اے درگت ءَ آئی ءَ گْوشتگ کہ اوگان سرکار ءِ نیمگ ءَ گوریچانی وزیرستان ءِ مردمانی پہ وتی ھاک ءَ لڈگ ءِ سکین ءُ کڈنی ، مالی وسیلہ ءُ دگہ بازیں لب دیگ مئے تھی جیڑھانی تہ ءَ دزمانجنی اِنت ۔

آئی ءَ گْوں اھوالکاراں گْوشتگ کہ گوریچانی وزیرستان ءِ پاکستانی ٹک ءُ کٹَمبداناں وتی نیمگ ءَ لڈگ ءِ سکین دیگ ءِ بدل ءَ اوگان سرکار ءَ  وتی مڈی ءُ بودشت چَہ بازیں دھکاں ملک ءَ واترگ ءِ راھچاریں اوگان باروٹیانی واتری ءُ سبزینگ ءِ سر ءَ کارمرد کنگ لوٹ اَنت داں پاکستان چَہ اے بار ءَ آزاد بہ بیت ۔

بلئے یک جستے ءِ پسو دیان ءَ مھتاب احمد خان ءَ اے ھم گْوشتگ کہ چَہ گوریچانی وزیرسستان ءَ لڈ اِتگیں مردم کہ بندات ءَ چَہ کرم ایجنسی ءِ راہ ءَ اوگانستان ءَ شتگ اِت اَنت آھاں واتر کُرتگ ءُ رجسٹریشن ءِ پجیگ ءَ آھاں کلیں آسراتی دیگ بوگ ءَ اَنت ۔