پروم : روکپتی بلوچستان ءِ سیمسر ءِ نزیک ءَ بی آر اے ءِ زورگرانی سر ءَ اُرش، ھشت مُردار

مروچی سھب ءَ بلوچ ری پبلکن آرمی ءِ سرمچاراں پروم ءَ روکپتی بلوچستان ءِ  سیمسر ءِ نزیک ءَ زورگریں لشکریانی بنجلے ءِ سر ءَ گوں راکٹ ءُ دگہ کسانیں سلاھاں اُرش کُرتگ ۔ داں ساھتے ءَ  زورگر ءِ بنجل ءِ سر ءَ راکٹ گواری بوتگ ءُ چَہ ایشی ءَ دژمن ءِ ھشت سپاھیگ مُرتگ ءُ بازیں ٹپی بوتگ ۔

بی آر اے ءِ جارکش سرباز بلوچ ءَ گْوشتگ کہ اے کارروائی ءِ ذمہ واری ءَ بی آر اے ءِ من اِیت ءُ گْوش اِیت داں وھدے زورگر چَہ بلوچستان ءَ در نہ کپ اَنت بی آر اے ءِ سرمچار آھانی سر ءَ  ھمے رنگیں اُرش برجاہ دار اَنت ۔