تامر مات ، ائید ءِ اولی ءُ دومی روچ ءَ بلوچ کلب بحرین ءَ پیش دارگ بیت

بلوچی زبان ءِ نامی ئیں سوجکار انور غلام ءِ تامر مات کسانیں ائید ءِ اولی ءُ دومی روچ ءَ بلوچ کلب بحرین ءَ مزنیں پردہ ءِ سر ءَ پیش دارگ بیت ،  پہ تامر ءِ چارگ ءَ مزنیں کساسے ءَ بلوچاں ٹکٹ زرتگ ءُ وادریگ اَنت ۔

تامر ءِ تہ ءَ فاطمہ بلوچ ءَ مات ءِ کرد ءَ گوازی کُرتگ ۔ تامر ءِ آ دگہ ازمکارانی تہ ءَ امام جعفر، انور غلام ، اسماعیل آزاد ، غفورگمگین ، عبداللہ مومن ، زرین آسکانی ، رفیق حیات ، باقی بلوچ، عابد حنیف ، جنید پنجگوری ، عارف لال ، نصیرگمگین ، عابدجان قادر ، سلمان اسماعیل ، نجیب عبدالروف ، اکرم بلوچ ، محمد امیر، عمر کپٹن قادر، فاروق زمان ءُ آدم ھوار اَنت ۔

بلوچی تامر چاروکانی مزنیں بھرے انور غلام ءِ ازمکاری ءُ تامرانی شیدائی اَنت ءُ آ دیر اِنت انور غلام ءِ تامر ءِ وداریگ بوتگ اَنت ۔ چاروک چَہ انور غلام ءِ تامر  '' مات دی مدر '' ءَ مزنیں اُوستے بندگ ءَ اَنت ءُ واھگ ھمیش اِنت آ اے بری ھم وتی چاروکاں دلپروش نہ کنت۔