جان کیری گوں کورد راھشوناں گند ءُ نند کنت

امریکہ ءِ ڈنی کارانی وزیر جان کیری عراق ءِ زیردستیں کوردستان ءَ گوں کورد راھشوناں گند ءُ نند کنت گند ءُ نند ءِ مول عراق ءَ ھواریں سرکار ءِ ٹھینگ اِنت.

عراق ءَ داعش نامیں سنی جنگی گل ءِ گوں عراق ءِ امریکی پلہ مرزی ءَ جوڑ بوتگیں سرکار ءَ جنگ ءُ بازیں ھند ءُ دمگاں دستیگ کنگ ءَ پد میان رودرتکی دمگ  ءِ باندات ءِ تہ ءَ مزنیں بدلیانی گمان بوگ ءَ اِنت .داعش ءِ  دیمروی ء‍ِ سبب ءَ عراق ءَ ناں ایوک امریکی گَزراں تاوان رسگ ءَ اِنت بلکیں چَہ اے دیمروی ءَ ایران ءُ شیعہ مسلمانیں ٹکاں سیادی داروک ھم ناوش اَنت ءُ ایران ءَ اے درگت ءَ پہ داعش ءِ دیم ءِ دارگ ءَ مزنیں گام چست کنگ ءِ بیھار داتگ.

اے جاور ءَ  کورد گونگیں چیردستیں راجانی جست ءُ جیڑہ جھانی توانانی دلگوش ءِ سبب جوڑ بوتگ اَنت.

جان کیری ءَ عراق ءَ  گوں دگہ ٹک ءُ تواناں ھم گند ءُ نند کُرتگ ءُ زبان داتگ کہ امریکہ پہ عراق ءِ مھکمی ءُ پھریزگ ءَ کمک کنت