ھلمند ءَ اُرش کنوک پنجابی ءُ پاکستانی فوجی بوتگ اَنت ' ھلمند پولیس

ھمے درگت ءَ صدیق ءَ گْوشتگ کہ انی ھلمند ولایت ءِ کنٹرول ایمنی برجاہ دارگ ءِ ذمہ واریں سرکاری سپاہ ءِ دست ءَ اِنت ءُ بے لوگ بوتگیں مردمانی کمکی کار بندات بوتگ اَنت ۔

آئی ءِ رد ءَ ھزار کھولاں  چَہ اے اُرش ءَ وتی لوگ یلو داتگ اَنت ۔

گْوستگیں روچ ءَ  ھلمند ولایت ءِ تھی واکمنداں بے لوگ بیوکانی کساس چَہ دوھزار ءَ گر دوھزار پنچسد گْوشتگ اَت ۔ ،

 صدیق ءَ گْوشتگ کہ طالبان ھرچ سال ءَ والسوالی سنگین ءِ سر ءَ اُرش کن اَنت بلئے دائم پُروش ور اَنت ۔

آئی ءَ گْوشتگ : اوگان ایمنی ءِ برجاہ دارگ ءِ ذمہ وار گْوش اَنت کہ آھاں ھلمند ءَ چَہ طالبانانی نیمگ ءَ بوتگیں اُرش سرچُوپ کُرتگ ءُ نی دمگ پلگاری بندات اِنت ۔

لھتے روچ پیسر ءَ سدھا طالباناں ھلمند ءِ زرباری نیمگ ءَ سپاہ ءُ لشکری بُنجلے ءِ سر ءَ اُرش کُرتگ ءُ گوں سرکاری سپاھیگاں درگیر بوتگ اِت اَنت ۔

بی بی سی پارسی ءِ داتگیں ھالانی رِد ءَ طالبانانی اُرش چَہ '' ولسوالی سنگین '' ءَ گوں ترندی ءَ بندات بوتگ اَت ءُ رند ءَ سئے ولسوالی کجکی،موسی قلعہ ءُ داں نوزاد ءَ تالان بوت۔

دیمپانی ءِ اوگان وزارت ءِ جارکش  ظاھرعظیمیءَ گوں اھوالکاراں گْوشتگ کہ ایمنی برجاہ دارگ ءِ ذمہ واریں اوگان سرکار ءِ کارمنداں پہ کمک ءَ دگہ جنجالے نہ بوتگ ءُ اُرش ءِ پسو گوں سوبمندی ءَ ترینتگ اِش ۔

آئی ءَ گْوشت کہ '' اے اُرش ، سک مزن ءُ ترسناک اَت کہ تھی ءُ ڈنی تک ءَ تالان اَت ۔

ظاھر ءِ گْوشگ اَت :  طالباناں چَہ دمگ ءِ دگہ زْرمبشاں اے اُرش ءِ سکین رستگ بلئے آئی ءَ  پہ ھُوکل گْوشت  کہ عراق ءُ اوگانستان ءِ جنگانی میان ءَ ھمچارگی نیست ۔