واجہ خیربیارمری ءَ بے گُناھیں پٹھانانی کوش ایر جتگ

بام: بلوچ رھشون ”واجہ خیر بیار مری“ ءَ بے گناھیں پٹھانانی کوش ءَ ایرجنان ءَ گُشتگ کہ بلوچ ءُ پٹھان تاریخ ءَ یکے دومی ءِ نزیک ءُ برات بوتگ اَنت ءُ ایشاں مشکلیں وھداں دری دُژمنانی دیمگیری ءِ ھاترا یکے دومی ءِ کمک کُتگ۔ گوستگیں روچاں مستونگ ءِ دمگ ”دشت“ ءَ بلوچ نامداتیں گلے ءِ تیرگواری ءَ نوہ پٹھان پوریاگر مُرتگ اَت ءُ دگہ پنچ ٹپی بوتگ اِتنت۔

واجہ خیر بیار مری ءَ گُشتگ، ھما وھد ءَ کہ اے وتگڑیں استان وجود ءَ اَتکگ تہ ایشی ءِ مستریں جُھد اے دوئیں راجانی میڈینگ ءِ جھد اِنت۔  چیاکہ اے وتگڑیں استان سرپد اِنت کہ اے ھند ءَ بلوچ ءُ پٹھان ءِ اتحاد اے وتگڑیں پنجابی  استان ءِ بنیاد ءَ ھتم کُت کنت۔ 

آئی ءَ گُشتگ، اے استان ءُ آئی۔ ایس۔ آئی ءَ وتی داشتگیں ٹولیانی وسیلت ءَ بلوچ ءُ پٹھان ءِ یکے دومی ءَ گوں جنگ دیگ ءِ پندل سازاِتگ۔ تاکہ آ یک تیری ءَ دو شکار بہ کنت۔