شال : یازدہ اگست ءِ درگت ءَ بی این ایم ءِ مراگشے

شال : چَہ بی این ایم شال زون ءِ نیمگ ءَ یازدہ اگست بلوچستان ءِ آجوئی روچ ءِ درگت ءَ یک مراگشے ایرکنگ بوتگ ۔ مراگش ءِ تہ ءَ بلوچ راجی شھید ءُ اگست ءِ شھِدانی سھریں سلام گْوشگ بوتگ ۔
گوں مراگش ءَ پارٹی ءِ کْوھنیں باسک ءُ جنین آدمیں باسک ءَ ھم تْران کرتگ ۔ آھاں
 گْوشتگ کہ یازدہ اگست آزادی ءِ ھما روچ اِنت کہ زورگریں انگریزانی روچ ایرشت بلوچ راج ءَ چَہ مزنیں جھدے ءَ پد چَہ انگریزاں آجوئی ءَ رست ءُ بلوچاں وتی ریاستی ادارہ جوڑ کرت اَنت بلے نوزدہ سد ءُ چل ءُ ھشت ءَ یک رندے پد ءَ پنجابی ءَ بلوچ گلزمین دستیگ کرتگ ءُ بلوچانی آجوئی پُل اِت ۔ 
آھاں گْوشت کہ بلوچ نیشنل موومنٹ آجوئی ءِ جھد ءَ سیاسی رنگ ءَ دیم برگ ءَ وتی کرد ءَ پیلو کنت ءُ آزاد بلوچستان ءِ جوڑ کنگ ءَ پارٹی ءِ لیکو ءَ لوگ لوگ ءَ سر کنت ءُ بلوچ مھلوک ءَ گوں آجوئی ءِ زْرمبش ءَ ھوار ءُ ھمبستگ کنگ ءَ تالانیں وڑ ءُ پیمے ءَ جھد ءَ برجاہ دار اِیت ۔
آھاں ءَ گْوشتگ کہ یازدہ اگست اے ھبر ءَ دْرشان اِنت کہ بلوچاں پہ وتی آجوئی ءِ پھریزگ ءَ مدام گوں زورگراں جنگ داتگ ءُ مروچی شھادت ءُ دیمونی دیگ ءَ اَنت