14 اگست ءَ بلوچستان ءَ دربندی، سیاہ روچ دارگ بیت ' بی این ایف

شال : بلوچ نیشنل فرنٹ ءِ جارکش ءَ گْوشتگ کہ 14اگست ءَ سرجمیں بلوچستان ءَ سیاہ روچ ءُ دربندی کنگ بیت  ، بلوچ راج دربندی ءَ سوبمند بہ کنت ءُ گوں پاکستان ءَ وتی کنت ءُ راج آجوئی زْرمبش ءَ ھمبستگی ءَ دنیا ءِ دیم ءَ پدر بہ کنت ۔
جارکش ءَ گْوشتگ کہ 14اگست پہ اے دمگ ءَ یک سیاہ تریں روچ اِنت ھمے روچ ءَ برٹش ءَ گوں جھانی واکانی ھمدستی ءَ یک بے راھبند ءُ ابرم دریں ملکے پاکستان جوڑ کرتگ کہ چَہ وتی بیتکی روچ ءَ بہ گر داں مروچی بلوچانی پجیگ ءَ دنیا ءِ زیردستیں راج ءُ ایمنی لوٹوکیں ملکاں دھشتگردی ءِ سبب اِنت ۔
آئی ءَ گْوشتگ کہ پاکستان ءَ فوج ، چیریں ادراہ ، پارلیمان ، آمیدگس ءِ پجیگ ءَ کلیں ادارہ کرپٹ اَنت آھاںی کار پنجاپی ءُ آئی ءِ واجھانی ھذمت اِنت کہ چَہ گْوستگیں شش دھک ءَ بلوچاں چکچین کنگ ءَ اَنت ءُ ھما برٹش ءُ امریکہ ءَ کہ جوڑ کرتگ پہ آھاںی سلامتی ءَ ھم ترسے ۔