لندن ءَ بی این ایم ءِ باسک گچین کرتگ اَنت ' خلیل بلوچ
Monday, August 13, 2012
شال : بلوچ نیشنل موومنٹ ءِ چیئرمین خلیل بلوچ ءَ گْوشتگ کہ لندن ءَ پہ راج آجوئی زْرمبش ءَ سرگرمیں سیاسی جھدکار شاھد ، زاھد ءُ مظھر بی این ایم ءِ باسک گچین کنگ بوتگ اَنت ۔ آ اُود ءَ ھر سئیں بی این ایم ءِ آئین ءِ پد ءَ پہ جھد ءِ آجوئی ءَ کارکنوکیں مردم ءَ گوں ھمکاری کن اَنت ءُ ماں بی این ایم ءَ ھوار بیوکیں مردم ءَ گوں اھوالگری کرت کن اَنت ۔آئی ءَ اُوست دْرشانتگ کہ ھرسئیں گل ءِ راھبندانی پد ءَ جھان ءَ بلوچ آجوئی ءِ گپ ءَ منارین اَنت ۔
آئی ءَ بلوچستان ءِ جاورانی سر ءَ بے تاھیر دْرشانتگ ءُ گْوشتگ کہ بلوچستان ءَ پاکستانی لشکر بلوچ سیاسی جھدکار ءُ نوشتہ کاراں بیگواہ کن اَنت ءُ دیم شریتگیں میتاں چگل دئے اَنت چَہ اے کار ءَ پاکستان سرجمیں جھان ءَ نامدپ بوتگ ءُ انسانی حقانی پھریزکاریں گل بے تاھیر اَنت بلے آ اے جبر ءِ دیم ءِ دارگ ءَ بے وس اَنت ۔
آئی ءَ گْوشتگ کہ یازدہ اگست ءَ بلوچستان ءِ پچ گیپتگیں آزادی ءِ روچ ءِ درگت ءَ بیرک منڈینگ اے ھبر ءِ دراھی اِںت کہ بلوچ زورگر ءِ دیم ءَ میلانک اَنت ۔
Comments[ 0 ]
Post a Comment