تربت : کامریڈ فراز بیران
Wednesday, August 29, 2012
تربت : کامریڈ فراز بیران بوت ۔ چَہ زرمبش شھید جی ایم ءِ نیمگ ءَ فیس بک ءَ مئے اھوالکار ءَ رستگیں پیامے ءَ اے ھال دیگ بوتگ کہ بلوچ نیشنل موومنٹ کراچی ھنکین ءِ گْوستگیں کارگشاد کامریڈ فراز25 اگست ءَ ماں تربت ءَ بیران بوتگ ۔ اے درگت ءَ گیشتریں مالومداری دیگ نہ بوتگ کہ کامریڈ فراز چونیں جاوراں بیران بوتگ ۔
کامریڈ فراز بلوچ نیشنل موومنٹ کراچی ھنکین ءِ جوانیں باسک ءُ یک راجدوستیں جھدکارے اَت ۔ کامریڈ ءَ مزنیں مدتے گولیمار ءَ گْوازینتگ ءُ ھمود ءَ اسپیئر پارٹس ءِ کسانیں دکانے ءِ واھند اَت ۔ کراچی ءِ نگیگیں جاور ءُ بلوچ راجدوستانی سر ءَ ریاستی زوراکی ءِ سبب ءَ کامریڈ ءَ ھم کراچی یلو دات ءُ وتی پت ءُ پیرکی ھلک ءَ واتر کرت ۔
کامریڈ یک نیزگاریں مردمے اَت ، آئی ءِ سند کساس چل داں پنجاہ ءِ نیام ءَ اَت ۔ راجدوستیں سادھیں ھیال ءُ لیکوداریں کامریڈ فراز چَہ ھما سیاسی جھدکاراں یکے اَت کہ بلوچ زْرمبش ءُ جھد ءَ گوں آھانی ھمبستگی ءِ سبب ایوک آھانی دلی پاھار ءُ جوزگ بنت ۔
کامریڈ فراز بلوچ نیشنل موومنٹ کراچی ھنکین ءِ جوانیں باسک ءُ یک راجدوستیں جھدکارے اَت ۔ کامریڈ ءَ مزنیں مدتے گولیمار ءَ گْوازینتگ ءُ ھمود ءَ اسپیئر پارٹس ءِ کسانیں دکانے ءِ واھند اَت ۔ کراچی ءِ نگیگیں جاور ءُ بلوچ راجدوستانی سر ءَ ریاستی زوراکی ءِ سبب ءَ کامریڈ ءَ ھم کراچی یلو دات ءُ وتی پت ءُ پیرکی ھلک ءَ واتر کرت ۔
کامریڈ یک نیزگاریں مردمے اَت ، آئی ءِ سند کساس چل داں پنجاہ ءِ نیام ءَ اَت ۔ راجدوستیں سادھیں ھیال ءُ لیکوداریں کامریڈ فراز چَہ ھما سیاسی جھدکاراں یکے اَت کہ بلوچ زْرمبش ءُ جھد ءَ گوں آھانی ھمبستگی ءِ سبب ایوک آھانی دلی پاھار ءُ جوزگ بنت ۔
Comments[ 0 ]
Post a Comment