تھران :زندانی جھدکار نرگس نادراہ ' کھول پہ گدارے ءَ تلوسگ ءَ اِنت

 وائس آف امریکہ ءَ شنگ بوتگیں ھالے ءِ رِد ءَ  آئی ءِ لوگواجہ تقی رحمانی ءَ گْوشتگ کہ نرگس محمدی ءَ دوازہ روچ اِنت کہ نادراھجاہ  ءَ اِنت ءُ ھما اِنت کہ برگ بوتگ آ گوں وتی کھول ءَ ناں دیم پہ دیمی ناں گوشی ءِ سر ءَ گپ پرمائیگ بوتگ ۔
تقی رحمانی ءَ گْوشتگ '' چَہ اے ھبر ءَ ما سک دلوارگ اِیں اگاں گوں آئی ءَ دوچار کپگ ءَ بندش ھست ھم دمانے گوں آئی ءَ گْوشی ءِ سر ءَ گپ پرمائیگ بہ بیت یا کلھے چَہ پنجرہ ءِ  پُشت ءَ لوگ ءِ مردماں پیش دارگ بہ بیت ۔''
تقی  ءَ گْوشتگ :'' جاور ھمے نشون دئے اَنت کہ گوں آئی ءَ زندان ءِ تہ ءَ زندانی پرمانانی پد ءَ پیش آھگ نہ بوگ ءَ اِنت بلکیں بیرگرگ بوگ ءَ اِنت ۔''

اے ھال ءَ پد امریکہ ءِ دری کارانی وزرات ءَ چَہ جمھوری اسلامی ایران ءِ واکداراں لوٹ کرتگ کہ انسانی حقانی جھدکار نرگس محمد ءُ محمد صادق کبود چَہ زندان ءَ ھلاس کنگ بہ بنت ۔
اے لوٹ امریکہ ءِ دری کارانی وزارت ءِ جارکش ویکٹوریا نولینڈ ءَ آدینگ ءِ روچ ءَ وتی بیانے ءِ تہ ءَ کرتگ ۔آئی ءَ گْوشتگ کہ امریکہ ایران  ءَ بندیں کُلیں سیاسی زندانیانی آزاتی ءِ واھوک اِنت ۔ چَہ آھاں دو اھوالکارانی نام گرگ ءِ سبب آھانی پہ انسانی حقانی پھریزگ ءِ بنچک ءَ زندانی بوگ ءُ اے ھال اِنت کہ ھر دو نادراہ اَنت ۔