شام ءِ سیمسری فوجی بُنجلانی سرا یاغیاں قبضہ کُتگ

مزن ھور: ھالانی ردا شام ءُ عراق ءِ سیمسری ھنداں یاغی ءُ بشار لشکر ءِ میان ءَ بازیں جنگ ءُ چوپاں پد یاغیاں سیمسری ھندانی بازیں فوجی بُنجلانی سرا قبضہ کُتگ۔ عراقی سرکار ءِ ردا سیمسری دمگاں بشار لشکر ءَ پروش وارتگ ءُ یاغیاں بازیں سیمسری فوجی بُنجلانی سرا قبضہ کُتگ ءُ شام ءُ تُرکی ءِ سیمسری ھنداں ھم دو فوجی چوکی یاغیانی دست ءَ اَتکگ اَنت۔ انسانی حقانی گلانی ردا گوستگیں سالے ءِ نیام ءَ آشوبی یاغی ءُ بشار لشکر ءِ میان ءَ بازیں جنگ ءُ بجنگاں پانزدہ ھزار ءَ چہ گیش لس مھلوک بیران بیتگ اَنت۔ دری دُنیا ءِ زور ءُ پابندیاں ابئید ھم بشارالاسد شامی الس ءِ سرا چٹی اِنت ءُ رؤگ ءِ نام ءَ ھم نہ زانت۔