شال : چَہ شال ءَ سوئی ءَ روکیں دو بلوچ پاکی لشکریاں چَہ دشت ءَ آوار جنگ ءَ پد بیگواہ کرتگ ۔ بلوچ ری پبلکن پارٹی ءِ جارکش شیر محمد بگٹی ءَ اے رِد ءَ بیانے ءِ تہ ءَ گْوشتگ کہ ماسٹر غوث بخش بگٹی ءُ علی نواز بگٹی آدینگ ءِ روچ ءَ گوں وتی گاڑی ءَ چَہ شال ءَ سوئی ءَ روگ ءَ بوتگ اَنت کہ دشت ءِ ھند ءَ زوگریں ریاست ءِ چیریں لشکریاں گاڑی داشتگ ءُ ھردو آوار جنگ ءَ پد نہ ڈس اِتگیں جاھے ءَ برتگ اَنت ۔ لشکریاں گاڑی ءِ ڈرائیور ھم لٹ داتگ کہ شال ءِ نادراھجاہ ءَ درمان کنگ بوگ ءَ اِنت ۔
جارکش ءَ گْوشتگ کہ گوں بلوچستان ءَ بوتگیں زیادتیانی سر ءَ ریاستی واکانی پھلی شتلی اِنت ۔ ڈیرہ بگٹی ءُ راجن پور ءَ لشکرکشی ءِ دْرچ برجاہ اِنت۔
آئی ءَ چَہ انسانی حقانی گل ءُ میان اُستمانی آمیدگریں ادارہ ءَ گوں دزبندی کرتگ کہ آ اے زوراکیانی دارگ ءَ وتی کرد ءَ پیش بہ دار اَنت ۔
Comments[ 0 ]
Post a Comment