مولوی محمد بخش ءِ بچ صدیق چَہ سوئی ءُ عبدالنبی چَہ شال زندان ءَ آوار ' شیر محمد بگٹی

شال : بلوچ ری پبلکن پارٹی ءِ بنجاھی ترامکاری مجلس ءِ جارکش شیر محمد بگٹی ءَ گْوشتگ پہ آواریں بلوچانی دراھی ءَ ءُ پہ بلوچانی ٹپانی درمان ءَ سرکاری ڈاہ ءُ ھبر بے بنیں بٹاک اَنت ، بلوچ دشمن ریاست وتی گناھانی چیر دئیگ ءَ دنیا ءِ چماں بندگ لوٹ اِیت ۔آمیدگس ءَ کیس ءِ گوشدارگ ٹھگی اِنت ریاستی ادارہ مروچی ھم بلوچ ءِ چکچین کنگ ءِ پالیسیانی سر ءَ گامگیج زوران اَنت ۔

آئی ءَ گْوشتگ گْوستگیں روچ ءَ چَہ سوئی ءِ ھند محمد کالونی ءَ تراویح ءِ نماز ءِ میان ءَ پاکستانی لشکریاں میست ءِ پیش امام محمد بخش بگٹی چَہ انسانی راھبنداں در الکاپ چپتگ ءُ آئی ءِ ورناھیں بچ محمد صدیق بگٹی گوں وت برتگ وھدے کہ چَہ ایشی ءَ پیش مولوی محمد بخش ءِ دگہ بچے عبدالنبی بگٹی کہ شال ءَ دُروگیں ملامے ءَ زندانی اَت چَہ آ اُود ءَ پاکستانی ایجنسیاں آوار جتگ کہ آھاںی چیریں شکنجہ جاھاں جنگ ءُ چوپگ بوگ ءَ اِنت مارا ترس اِنت کہ آئی ءِ دیم شریتگیں میت دور دئیگ مہ بیت پرچا کہ چَہ اے دشمن ءُ زورگریں ریاست ءَ مارا ھچ رنگیں ھیرءِ اُوست نیست ۔ بلوچ راج تپاکی پیش بہ دار اِیت داں چَہ زورگراں آزادی ءَ پچ گیپت بہ کن اِیں ۔