مکران ءِ آسک، سید ءُ آھُوگ بیگواھی ءِ سیمسراں سر بوتگ اَنت۔
Monday, June 18, 2012
سھدار،آسک ءُ آھوگ زمین ءِ جنگل ءُ کوھانی ءِ شررنگی ءُ زیبائی اَنت۔ بلوچ شاعر ءَ آسک ءُ آھوگانی علامت شرنگی ءِ شبین ءَ کارمرز کُتگ اَنت۔ بلے مرچی ماں مکران ءَ اے شررنگی ءِ علامت بلوچ ءِ نادلگوشیانی دیناں رپتگ اَنت ءُ پہ بے دردی جنگ ءُ کُشگ بیئگ اَنت ءُ بیگواھی ءِ سیمسراں سر بوتگ اَنت۔ گُشنت کہ پیش ءَ ماں مکران ءِ کوہ ءُ اگارانی تھا پُلنگ، مم ءُ ھپتار ءُ گُرک ھم باز بیتگ، بلے مرچاں گواہ نہ کنت۔ جنگ ءُ کُشگ بیتگ اَنت ءُ پہ دوائی ھم گواہ نہ کنت۔ پیش ءَ مکران ءِ کوھاں آسک ءُ آھوگ ءُ سید ءُ گُرانڈانی رم مُچ بیتگ۔ بلے نوکیں سلاہ ءُ اسباب ءُ سی تیری ءُ بیست تیریانی رواج گِرگ ءَ اے ھم مرچی بیگواھی ءِ سیمسراں سر بیتگ اَنت۔جنگلی مُرگانی تھا ”سیسو” باز دلساچ ءُ شررنگیں مُرگی، پیش ءَ مکران ءَ سیسو سک باز بیتگ (من گورداگ ءِ گپ ءَ نہ کناں کہ گورداگ پناھگیریں مُرگے ءُ چہ دگہ ھنداں کئیت ءُ رؤت)۔ پہ بلوچ شکاری ءَ آسک ءُ آھوگ ءُ مُرگانی شکار بیت کنت کہ یک شوقی بہ بیت۔ آ بیچارگ اے گپ ءَ ناپوہ اَنت کہ اے سھدار اے گُلزمین ءِ شررنگی ءِ علامت اَنت۔ اگاں اے پشت مہ کپ اَنت ءُ بیگواہ بہ بنت تہ جنگل ءُ کوہ تھار ءُ بیمناک بنت ، جنگل ءِ شررنگی ھلاس بیت۔ مرچی ماں مکران ءَ جنگل ءُ کوھانی زیبائی بلوچ شکاریانی شوق ءِ دیناں رپتگ ءُ بیگواہ اِنت۔
بلوچ جنگل ءِ آسک ءُ آھوگانی بیگواھی ءُ گیابان ءِ زیبائی ءَ پُلگ ءِ یک ذمہ واری ئے عرب شکاریانی اِنت ۔ عرباں بلوچ وتگڑیں میر ءُ سردار کار اَنت ءُ جاگہ دینت۔آھانی ھمراھداری ءَ کن اَنت۔ اے میرانی تھا یکے دشت ءَ چہ سیادی داروکیں مردے کہ نامے علی اکبر اِنت کہ آئی ءِ گورا ھرسال ھمے عرب شکار ءِ ھاترا کاینت۔ اے میر ءُ امیر زرانی لالچ ءَ ھمینکہ کور کُتگ اَنت کہ ایشاں قوم پاکستان ءِ گورا بھا کُتگ ءُ نو بلوچ ءِ سھداراں ھم پہ زرّ ءِ ھاترا عرب شکاریانی گورا بھا کنگ ءَ اَنت۔ ماں مکران ءَ سھدارانی پھازگ ءُ نگھدارگ ءِ ھاترا ھچ چوشیں گل نیست کہ آ راجی سھدارانی نگھپانی ءَ بہ کنت۔ بلوچ بے سما اِنت ءُ وت ھم ھمے کار ءَ ھوار اِنت۔
شکار دگنیا کنت بلے بلوچ تاں کوہ ءَ یک دانگ ءِ سید گند ات آیا لازم جنت، پرچا کہ دستگ ات، یک روچ یکے وتا گلاہگ ءَ ات کہ ما 88 دانگ سید، آسک ءُ گرانڈ اُرماڑہ ءِ کوہاں سے روچ درگت ءَ جتگ، من جست کُت کہ شماگڈا انچو چون کت انت، گوشیت کہ ما چیزے وارت چیزے آئورت گوں بلے گیشتر گہت انت، مارا برپ گون نہ بوتگ، باز زلم انت۔ باید ہمیش ات کہ سکاریاں دہ دہ سال جیل بدات انت گڈا شکاریاں گوش گپت۔
ReplyDelete