کوئٹہ بمب اُرش، سئے نودربراں ھوار پنچ مردم بیران

کوئٹہ: بلوچستان ءِ مزن شھر کوئٹہ ءَ دربرجاہ بس ءِ سرا اُرش ءِ آسرا سئے نودربراں ھوار پنچ مردم بیران بیتگ ءُ پنجاہ ءَ چہ گیش مردم ٹپی اَنت۔پاکی پولیس ءِ ردا ارش گوں تراکناکیں شورھاں کنگ بیتگ۔ ارش کاراں آئی ٹی یونیورسٹی ءِ بس نشانگ جوڑ کُتگ۔ ارش ءِ آسرا بس ءَ سواریں پنچ نودربر ھما سھت ءَ مُرتگ اَنت ءُ دگہ پنجاہ ءَ چہ گیش مردم ٹپی اَنت کہ ایشانی تھا نودربر ھم ھوار اَنت۔ بمب تراک ءَ چہ پُشت ءَ آیوکیں نودربرانی بس ءِ نگھپانیں پولیس کارندھانی گاڑی ءَ ھم تاوان رستگ ءُ سئے پولیس کارندہ ٹپی اَنت۔