راجی غدار ھچ وڑا بکشگ ءِ حقدار نیاں۔ دودا بلوچ

بام:رسانکی ھالانی ردا بلوچ سلاہ بندیں گل بی۔ایل۔ایف ءِ جارکش دودا بلوچ ءَ ھال دیان ءَ گُشتگ، راجی غدار بازیں پَٹ ءُ پول ءَ چہ پد کُشگ بیئگ ءَ اَنت۔ راجی غدارانی بابت ءَ مئے گورا سرجمیں ثبوت است اَنت کہ دیم ءَ آرگ بنت۔ دودا بلوچ ءَ گُشتگ کہ محمد بخش لنگاسی ءِ جاھمنند کہ بازیں پٹ ءُ پول ءَ رند مئے سرمچاراں جتگ ءُ کُشتگ۔ اے مرد ءِ سیاد ءُ وارثاں ھالترانے ءِ تھا چہ ما ثبوت لوٹ اِتگ کہ محمد بخش ءِ کوش ءِ راستی ءَ پدر بہ کنئے۔ ما پیش ءَ ھم گُشتگ ءُ انگت ھم گُشیں کہ راجی غدارانی بابت ءَ مئے گورا سرجمیں راستی ءُ ثبوت است اَنت کہ آ کجام ءُ چونیں کردانی خدابند بیتگ اَنت۔ آئی ءَ گُشتگ پسنی ءِ ابراھیم بھیل ( کہ ڈرگ مافیا ءُ لینڈ مافیا ءِ مردمے ،بام) ءَ ھم ھالترانے ءَ ھمے نشون داتگ کہ من سرکاری مخبری نیاں، بلے اے مرد ءِ بابت ءَ ما سرجمیں راستی ءُ ثبوت در گیپتگ کہ اے مرد چونیں سیاھیں کردانی ھُدابند اِنت ءُ اے مرد ءَ پہ زر ءِ لالچ ءَ دگہ بازیں کسانیں مخبر زر داتگ ءُ داشتگ اَنت ءُ بوزیں بلوچ ورناھانی کوش ءَ اے مرد ءِ دست ھوار اِنت۔۔ دودا بلوچ ءَ گُشتگ ابراھیم بھیل وتی ساپ ءُ پلگار کنگ ء پیشدارگ ءَ ابئید وتی سیاھیں کردانی سرا معاپی بہ لوٹیت، ءُ آ وتی گوست چماں شانک بِدنت کہ آ کجام کردانی مالک اِنت۔ بی۔ایل۔ایف ءَ ماں بسیمہ پنجگور ءَ عبدالقادر حاجی زئی ءِ کوش ءِ ذمہ واری ھم من اِتگ ءُ گُشتگ کہ اے مرد بازیں بلوچ دَژمن کرداں ھوار بیتگ۔