لاھور ریل گاڑی بُنجل ءِ سرا ارش، سئے بیران ءُ بیست ٹپی

لاھور: ریل گاڑی بنجل ءِ سرا ارش بیتگ ۔پاکی پولیس ءِ ردا ارش فلیٹ نمبر دو ءَ بیتگ ءُ چر اے ارش ءَ آسرا سئے مردم مُرتگ اَنت ءُ بیست ءَ چہ گیش ٹپی اَنت۔ ٹپیانی تھا باز ءِ جاورھال نگیگ اَنت ءُ نادراھجاہ ءَ سر کنگ بیتگ اَنت۔ سی،سی، پی،او ءِ ردا تراکناکیں شورہ دستی بیگ ءَ چیر دیگ ءُ فلیٹ فارم ءَ سر کنگ بیتگ اَنت ءُ اے پٹ ءُ پول جاری اِنت کہ کجام کارندہ ءِ ردی ءَ چہ اے وئیل پیش اَتکگ۔ دومی نیمگ ءَ ”وش ٹی۔وی” ءِ ردا بمب اُرش ءِ ذمہ واری لشکر ءِ بلوچستان ءَ من اِتگ۔ ترجمان ءِ ردا ارش ماں بلوچستان ءَ جتگ ءُ چُپتگیں لاشانی پژگرد ءَ کنگ بیتگ ءُ دیم ءَ راولپنڈی ءُ اسلام آباد ءَ ھم اُرش کنگ بیت۔ بلے دگہ نیمگ ءَ اے ذمہ واری ءِ راستی پدر کنگ نہ بیتگ۔