دروگیں ”ویڈیو” ئے شِنگ بیئگ ءَ پد بھارتی پارلیمانی باسک چہ اگدہ ءَ دز کش بیتگ

نیو دھلی: بھارتی کانگریس گل ءِ جارکش ”ابھشک منو سنگھوی” چہ پارلیمنٹ ءِ باسکی ءُ قانون دادگاہ کمیٹی ءِ سروکے ءِ اُگدہ ءَ دز کش بیتگ۔ دزکشی ءِ سوب ھمے گُشگ بیتگ کہ گوستگیں روچاں یک ویڈیو ئے شنگ بیتگ کہ اے ویڈیو ءِ تھا آ ماں دادگاہ چمبر ءِ تھا یک نوگلیں جنکے ءَ دست ءُ بازی گندگ ءَ آیگ اِنت۔ ویڈیو ءِ شنگ بیئگ ءَ پد آئی ءَ وتی چہ قانون کارگس ءُ سرکاری باسکے ءَ دزکشی ءِ جار جنان ءَ گُشتگ کہ اے ویڈیو ڈبنگ ءُ وت سازتگ ءُ دروگے۔۔۔ بلے منی دزکشی پہ ھمے ھاترا اِنت کہ بھارتی پارلیمنٹ ءُ قانون ءِ شرپ پشت بہ کپیت۔