بیست ءُ ھپت مارچ ءَ بلوچستان ءِ سرا پہ زور قبضہ کنگ بیتگ۔ بی۔این۔پی (یو۔ایس۔اے ھنکین)
Wednesday, March 28, 2012
۔امریکا: بلوچستان نیشنل پارٹی ءِ یو۔ایس۔اے ھنکین ءِ سروک ڈاکٹر تاراچند بلوچ، کارمستر رزاق بلوچ، آرگنائزنگ کمیٹی ءِ باسک اکرم بلوچ ءُ عبید بلوچ ءَ ھال شنگ کنان ءَ گُشتگ کہ پاکستانی فوج ءَ بیست ءُ ھپت مارچ ءَ لشکر کشی کُتگ ءُ کلات ءِ سرا ارش کُتگ ءُ بلوچستان ءِ آزادیں بستار ھلاس کُتگ۔ چر ایشی ءَ چہ یک مسیتے ءَ ھم باز تاوان رستگ۔ وھدیکہ راستیں گپ اِش اِنت کہ اگست 1947 تاں مارچ 1948 ءَ بلوچستان یک آجوئیں ملکے ءِ بستار ءَ منگ بیتگ ءُ ایشی ءِ سرا خان ءِ خاکمی بیتگ۔۔۔۔۔
ھال ءِ تھا ھمے گُشگ بیتگ کہ ماں بلوچستان ءَ بلوچ راج ءِ ایرموش کنگ ءَ پاکستان ءِ دراجیں زلم ءُ زوراکیانی لڑے، پاکستان ءَ بلوچستان ءِ ھر دمگ ءَ فوجی بنجل ٹھینتگ اَنت ءُ ایف۔سی ءُ پاکی فوج بلوچ ورناھاں آوار جن اَنت ءُ پدا ٹارچر کنگ ءَ پد آھانی جتگ ءُ چُپتگیں لاشاں ماں پچیں میدان ءُ دگاں چگل دینت ءُ پہ بلوچ راج ءِ چُک چین کنگ ءَ پاکی فوج ءِ نیمگ ءَ ٹوھیں ٹوھیں سلاہ ءُ جنگی گُراب ءُ (ایف شانزدہ) کارمرز بیئگ اِنت۔ پاکستان بلوچ راج ءِ مال ءُ مدیانی لُٹ ءُ پل ءِ ھاترا ھما زوراکی ءَ کنگ اِنت کہ ایشی ءَ پیش ماں بنگلہ دیش ءَ کنگ بیتگ ءُ ماں بلوچستان ءَ پاکی لشکر میان استمانی رھبندانی ھلاپ ورزی ءَ کنگ اِنت۔۔۔
آھاں گُشتگ کہ پاکی آرمی ھچ وڑا وتگڑیں سویلین خاکمانی کنٹرول ءَ نہ اِنت ءُ پاکی آمیدگس پنجاب ءِ نپانی ھاترا کار کنگ اِنت ءُ پاکی فوج ءِ پلہ مرز اِنت۔ آھاں سردار عطاءاللہ مینگل ءِ حوالہ دیان ءَ گُشتگ کہ بلوچستان ءِ جاورھال ”پوئنٹ آف نو ریٹرن” ءَ سر بوتگ اَنت ءُ وھدیکہ سردار اختر مینگل ءِ ردا ”ما چوشیں ملکے ءَ ھچ وڑا ھور بیت نہ کنیں کہ اودا مئے زھگ ءُ زالبول ءُ سیاسی کارندہ ءُ کواس ءُ ادیبانی قتل عام بہ بیت”۔۔۔۔۔۔۔
آھاں چہ میان استمانی گل یو۔این۔او ءَ دز بندی کُتگ کہ آ ماں بلوچستان ءَ پاکی رستریں لشکر ءِ قبضہ ءِ ھلاس کنگ ءَ پہ راجی وتواکی ءِ ھاترا بلوچ راج ءِ پلہ مرزی ءَ بہ کنت، چیاکہ یو۔این۔ او وت ءَ ماں دُنیا ءَ راجانی وتواکی ءُ حقانی پلہ مرز گُشیت۔ آھاں امریکی ءُ دگہ راجی فوجاں ھمے نشوندھی کنان ءَ گُشتگ کہ بلوچستان آیوکیں وھد ءَ یک جمھوری ءُ سیکولر ملکے بیت۔ آھاں امریکی سنیٹر ڈانا روھرا باکر ھوار آ دگہ بلوچ راجی وتواکی ءِ پلہ مرز کنوکانی منت گران ءَ گُشتگ کہ بائد امریکا پاکستان ءِ فوجی کمک ءَ بند بہ کنت۔ چیاکہ اے کمک بلوچ چُک چینی ءِ ھاترا کارمرز بیئگ اِنت ءُ پاکی فوج بلوچ ءِ کُشت ءُ کوش ءَ کنگ اِنت
آھاں گُشتگ کہ پاکی آرمی ھچ وڑا وتگڑیں سویلین خاکمانی کنٹرول ءَ نہ اِنت ءُ پاکی آمیدگس پنجاب ءِ نپانی ھاترا کار کنگ اِنت ءُ پاکی فوج ءِ پلہ مرز اِنت۔ آھاں سردار عطاءاللہ مینگل ءِ حوالہ دیان ءَ گُشتگ کہ بلوچستان ءِ جاورھال ”پوئنٹ آف نو ریٹرن” ءَ سر بوتگ اَنت ءُ وھدیکہ سردار اختر مینگل ءِ ردا ”ما چوشیں ملکے ءَ ھچ وڑا ھور بیت نہ کنیں کہ اودا مئے زھگ ءُ زالبول ءُ سیاسی کارندہ ءُ کواس ءُ ادیبانی قتل عام بہ بیت”۔۔۔۔۔۔۔
آھاں چہ میان استمانی گل یو۔این۔او ءَ دز بندی کُتگ کہ آ ماں بلوچستان ءَ پاکی رستریں لشکر ءِ قبضہ ءِ ھلاس کنگ ءَ پہ راجی وتواکی ءِ ھاترا بلوچ راج ءِ پلہ مرزی ءَ بہ کنت، چیاکہ یو۔این۔ او وت ءَ ماں دُنیا ءَ راجانی وتواکی ءُ حقانی پلہ مرز گُشیت۔ آھاں امریکی ءُ دگہ راجی فوجاں ھمے نشوندھی کنان ءَ گُشتگ کہ بلوچستان آیوکیں وھد ءَ یک جمھوری ءُ سیکولر ملکے بیت۔ آھاں امریکی سنیٹر ڈانا روھرا باکر ھوار آ دگہ بلوچ راجی وتواکی ءِ پلہ مرز کنوکانی منت گران ءَ گُشتگ کہ بائد امریکا پاکستان ءِ فوجی کمک ءَ بند بہ کنت۔ چیاکہ اے کمک بلوچ چُک چینی ءِ ھاترا کارمرز بیئگ اِنت ءُ پاکی فوج بلوچ ءِ کُشت ءُ کوش ءَ کنگ اِنت
Comments[ 0 ]
Post a Comment